Porsche 911 u shëmtua me shtesat krejtësisht të panevojshme (Foto)

Pronari i modelit 911, dëshiroi të veçohet nga të tjerët duke vënë në super-makinë e tij të re, disa shtesa për t’ia ndryshuar pamjen.

Por, për fat të keq, ato vetëm sa e kanë shëmtuar dhe iu kanë ulur vlerën kësaj Porsche të punuar nga alumini i lehtë, transmeton Telegrafi.

Sipër kapakut dhe poshtë dyerve, i janë bërë disa hapje të cilat ia rrisin aerodinamikës, kurse në fund i është shtuar edhe një krah.

Vetura tashmë lëvizë më shpejtë, pasi ka në përgjithësi 750 kuajfuqi, por që nuk konsiderohet se ishte e nevojshme.

Madje, ngjyra e verdhë me të zezën, bëjnë që kjo Porsche 911 të shkaktojë edhe dhimbje të syve. /Telegrafi/