Popov: Pasojat nga marrëveshjet me Greqinë dhe Bullgarinë janë evidente dhe ende nuk u duket fundi

Në fjalimin me rastin e Ditës së Akademisë për Shkencë dhe Art (ASHAM)  në Maqedoninë e Veriut, kryetari i saj, akademik Zhivko Popov, sot iu referua pengesave të vendit në rrugën drejt anëtarësimit në Bashkimin Evropian.

Siç tha ai, miqësia, gatishmëria për të bashkëpunuar dhe dialogu i hapur me të gjithë, veçanërisht me vendet fqinje “nuk ka qenë gjithmonë reciproke në mënyrën e duhur”.

“Përkundrazi, disa prej tyre shfaqën keqkuptime dhe sjellje të paarsyeshme. Euroskepticizmi që ka lindur kohët e fundit është rezultat i pengesave që BE-ja ka vendosur padrejtësisht në rrugën tonë evropiane dhe që më së shumti i referohen detyrimeve të marra ndërkombëtarisht në lidhje me marrëveshjet me Greqinë dhe atë të fqinjësisë së mirë me Bullgarinë, për të thënë më së paku, çështje referendumesh që duhen respektuar, pasojat e të cilave janë evidente dhe fundi i të cilave ende nuk është në dukje. Për ta, vendi bëri kompromise të dhimbshme, gjatë të cilave fillimisht ndryshoi flamurin shtetëror, e më pas emrin e paprekshëm të shtetit, por përkundër kësaj, u mungua hapja e procesit të negociatave me BE-në”, theksoi Popov në fjalimin.

Megjithatë, tha ai, duhet të jemi të vetëdijshëm se ne “si popull i vogël dhe vend i varfër” mund të arrijmë zgjidhje të arsyeshme dhe të pranueshme për problemet e krijuara vetëm përmes dialogut dhe bashkëpunimit të barabartë me fqinjët dhe BE-në./Telegrafi/