Policja ruse angazhon striptizere për të argëtuar kolegët e saj në “ditën e meshkujve” – largohet nga puna (Video)

Një police ruse është shkarkuar nga puna, për faktin se kishte organizuar vallëzimin “erotik” për të argëtuar kolegët e saj në “ditën e meshkujve” që festohej në vendlindjen e saj.

Policja e paemëruar i ka vënë një njollë të madhe forcave të rendit, pasi angazhoi një striptize për të argëtuar detektivët e uniformuar që ishin nën komandën e saj, transmeton Telegrafi.

Videoja e vallëzimit erotik në qytetin Ulan-Ude është bërë virale brenda një kohe të shkurtër, kurse një polic në kushte anonimiteti ka publikuar videon në Instagram ku shihet ahengu i organizuar në nder të “ditës së meshkujve”.

Kjo festë daton nga koha e Bashkimi Sovjetik që dikur njihe si dita e Ushtrisë së Kuqe. Tani zyrtarisht ajo quhet “mbrojtësit e vendlindjes” ku femrat u dhurojnë dhurata të ndryshme meshkujve.

Përbri videos është shkruar: “një vajzë e bukur me të brendshme duke vallëzuar para policëve të uniformuar”. Ndërkaq në ahengun e organizuar shihen edhe shumë zyrtare policore që ndiheshin të turpëruara me striptizeren, derisa një pjesë e policëve as që i kushtonin vëmendje asaj pasi ishin të fokusuar në tortën që e kishin afër vetes dhe po e shijonin. /Telegrafi/