Një police amerikane po duartrokitet për aktin heroik që ka bërë për t’i shpëtuar jetën një foshnjë që po mbytej në Georgia, SHBA.
Pamjet dramatike të kamerës tregojnë se oficeri i policisë së Senoias, Alexis Callaway ndihmoi një foshnjë katër javore që papritmas filloi të mbytej.
Polici nxitoi në shtëpinë e fëmijës dhe rrëmbeu foshnjën përpara se t’i jepte ndihmën e parë, raporton nypost.
Pas kryerjes së ndihmës së parë, e cila përfshinte përkëdheljen e vazhdueshme të shpinës dhe kthimin përmbys të foshnjës, pamjet e kamerës treguan se fëmija me sukses filloi të merr frymë normalisht.
"Unë jam certifikuar që në moshën 16-vjeçare. Kam punuar me fëmijë dhe gjëra të tilla", tha Callaway.
Akti i trimërisë së Callaway nuk kaloi pa u vënë re. Ajo do të marrë një çmim prej Departamentit të Policisë së Senoias. /Telegrafi/
