Policia: Protestuesit në Mushtisht janë lënduar nga vet protestuesit

Gjatë protestës së sotme të mbajtur në fshatin Mushtisht, të komunës së Suharekës, janë arrestuar 24 protestues, ndërsa Policia thotë se disa janë “lënduar nga gjuajtjet e tyre”. Dy prej tyre janë në gjendje të rënd, kurse dy të tjerë kanë marr lëndime të lehta trupore.

Komandanti i Policisë rajonale në Prizren, Nexhmedin Krasniqi, në një deklarim për media thotë se protesta ka qenë e dhunshme.

“Në Mushtisht sot ka qenë e paraparë të mbahet një vizitë e disa serbëve nga Serbia, për shkak të një feste që e kanë pasur. Këtu ka pasur një numër bukur të madh të qytetarëve edhe të rrethinës së Mushtishtit, por ka pasur edhe njerëz të tjerë jashtë fshatit Mushtisht. I kanë shprehur pakënaqësitë e veta, ka qenë një protestë jopaqësore, ka qenë bukur e dhunshme”, thotë ai. Policia ka kryer punën e vetë profesionale dhe është mundu që të sigurojë lëvizje të lirë për pelegrinët serbë”.

Sa i përket protestuesve, Krasniqi tha se protestuesit kanë marr lëndime jo nga Policia, por nga vetë protestuesit.

“Nga qytetarët ka të lënduar, por nga ana e protestuesve e jo e Policisë, sepse ne vet ishim në vend të ngjarjes dhe pamë kur protestuesit hodhën gur që rroki qytetarin i cili ka qenë protestues duke i shkaktuar gjakderdhje në kokë”, tha Krasniqi.