Pogba mund ta ketë luajtur ndeshjen e fundit tek Manchester United

Ole Gunnar Solskjaer ka bërë të ditur se Paul Pogba mund të jetë jashtë fushe për një kohë të gjatë.

Ishte menduar se ai do të ishte jashtë fushës për dy muaj te Manchester United, mirëpo mesfushori francez duket se do të mungojë edhe më gjatë.

Pogba e lëndoi këmbën e tij gjatë ndeshjeve me Francën dhe Solskjaer tha të premten: “Ndonjëherë shpresoni, gishtat duhet t’i mbajmë kryqëzuar, për gjashtë ose shtatë javë dhe skenari më i keq është 10, 11, 12 javë me lëndime muskulore si ky”.

“Unë nuk jam mjek, por ai nuk mund të thotë se sa shpejt do të shërohet. Shpresojmë që vetëm pas Krishtlindjeve të mund ta shohim atë”.

Pogba aktualisht ndodhet në Dubai për stërvitje rehabilitimi në mot të ngrohtë.

Ai ka mbajtur fansat të përditësuar me një sërë postimesh në mediat sociale mbi përparimin e tij.

Për momentin ai po stërvitet me një fanellë të Manchester United, por mesfushorit i skadon kontrata në verë dhe i lirë të fillojë negociatat me klubet e huaja nga 1 janari.

Pra, nëse ai është jashtë deri në Vitin e Ri, ai mund të ketë rënë dakord tashmë për kushtet për t’u bashkuar me një klub tjetër përpara se të veshë sërish fanellën e Djajve të Kuq.

Ose ai nuk mund të luajë më kurrë për klubin.

Drejtuesit e United mund të vendosin ta shesin Pogban për një tarifë të ulët në janar, në vend që ta humbasin atë si lojtar të lirë. /Telegrafi/