Nëse nuk do të kishte reaguar shpejt Darnella Frazier, Derek Chauvin mund të ishte ende një oficer policie në Minneapolis.
Në vend të kësaj, Chauvin është pas hekurave, i dënuar për akuza për vrasje, pasi i kishte vënë gjurin në qafën e George Floyd për më shumë se 9 minuta.
Tani adoleshentja që qëndroi e palëkundur, duke kapur videon më të gjatë dhe më të qartë nga një dëshmitar të momenteve të fundit të George Floyd, është e emocionuar me vendimin e gjykatës, shkruajnë mediat e huaja, përcjell Telegrafi.
"Thjesht kam qarë kaq shumë", ka shkruar Frazier në Facebook.
"Unë isha aq e shqetësuar... Faleminderit Zotit, Faleminderit, Faleminderit. George Floyd ne ia arritëm!! Drejtësia është dhënë".
Siç ishte bërë e ditur, Frazier vazhdoi të filmonte pavarësisht agonisë së shikimit të jetës së Floyd, përcjell Telegrafi.
"Kam dëgjuar George Floyd duke thënë ‘unë nuk mund të marr frymë, ju lutem, largohuni nga unë’... dhe duke qarë për nënën e tij", dëshmoi Frazier në gjykatë. "Ai ishte në dhimbje. Dukej sikur e dinte se gjithçka kishte mbaruar për të".
Halla e Floyd, Angela Harrellson e vlerësoi Frazier, e cila ishte një nxënës 17-vjeçare e shkollës së mesme kur kapi pamjet që provuan të ishin mallkuese në gjyqin e Chauvin.
"Gjëja e trishtueshme është nëse nuk do të kishte qenë për atë vajzë 17-vjeçare Darnella, do të kishte qenë një burrë tjetër me ngjyrë që u vra nga policia... dhe ata do të thoshin: Oh, ishte droga, ishte ajo", tha Harrellson.
"Dhe ne kurrë nuk do ta kishim rrëfimin që kemi. Dhe nuk do të ishim këtu duke biseduar".
Gjithashtu edhe guvernatori i Minesotës, Tim Walz, falënderoi publikisht Frazier.
"Marrja e asaj video, mendoj se shumë njerëz e dinë, është mbase arsyeja e vetme që Derek Chauvin do të shkojë në burg", ka thënë Walz.
"Me asgjë më shumë se një telefon celular dhe guxim të dukshëm, Darnella ndryshoi rrjedhën e historisë në këtë vend, duke shkaktuar një lëvizje të guximshme duke kërkuar fund të racizmit sistematik dhe dhunës nga duart e policisë", shkroi Suzanne Nossel, CEO i PEN America, një organizatë jofitimprurëse që punon për të mbrojtur dhe përparuar lirinë e shprehjes.
"Pa praninë e mendjes dhe gatishmërisë së Darnella për të rrezikuar sigurinë dhe mirëqenien e saj, ne kurrë nuk mund ta kemi ditur të vërtetën në lidhje me vrasjen e George Floyd".
Frazier, e cila tani është 18 vjeçe, iu është përgjigjur mijëra njerëzve që e falënderuan atë në Facebook.
"Unë nuk mund t'u përgjigjem të gjitha komenteve tuaja të bukura siç dëshiroj, por Faleminderit të gjithëve", shkroi ajo. /Telegrafi/
