Pëson sulm në tru derisa ishte prapa timonit, pasagjerët arrijnë ta ndalin autobusin dhe të ua shpëtojnë jetën 30 personave dhe shoferit (Video)

Ky është momenti dramatike kur dy pasagjerë ua shpëtojnë jetën më shumë se 30 pasagjerëve tjerë, pasi shoferi i autobusit humb vetëdijen derisa ishte prapa timonit.

Ngjarja ka ndodhur në pjesën lindore të Kinës, ndërsa biznesmeni 45-vjeç, Xie Shangpan, që është një nga dy pasagjerët kishte vërejtur se autobusi po lëvizte majtas-djathtas nëpër autostradë, transmeton Telegrafi.

Ai menjëherë vrapoi të karrigia e shoferit dhe arriti ta ndalë autobusin para se të ndodhte ndonjë aksident i tmerrshëm trafiku, që ka mundur t’ju kushtojë me jetë edhe 30 pasagjerëve tjerë.

Shangpan gjithashtu ka arritur ta shpëtojë shoferin të cilit i dha frymë artificiale, ndërsa pasagjerët që ishin të ulur prapa kanë shpëtuar pa as më të voglin lëndim.

Në raportin e policisë kineze në provincën, thuhet se shoferi Li Ming kishte pësuar sulm në tru në mëngjesin e 15 korrikut. Thuhet se ai kishte vozitur plot 17 orë pa ndërprerë.

Kamerat e sigurisë të instaluara brenda autobusit, kanë filmuar momentin kur Li humb vetëdijen dhe autobusi lëviz majtas-djathtas, derisa rripi i sigurisë e mbante pa u rrëzuar. /Telegrafi/