Përzierja e alkoolit me pije energjike rritë shanset për seks të rastësishëm

Shumica e njerëzve sot e përziejnë alkoolin me pije energjike, dhe kjo po i nxitë studentët të bëjnë seks të rrezikshëm

Studentët të cilët janë në universitet dhe e përziejnë alkoolin me pije energjike janë më të prirë të bëjnë seks të rastësishëm, sipas një hulumtimi nga Universiteti i Buffalos.

“Përzierja e pijeve energjike me alkool mund të shpijë në konsumim të tepërt të alkoolit, pasi që kafeina e bën më të vështirë ta kuptoni se sa të dehur jeni”, thotë autorja e këtij studimi, Kathleen E. Miller.

Hulumtimet e mëhershme kanë treguar se rreziqet e përzierjes së alkoolit me pije energjike ndikojnë në përleshjet me tjerët dhe në vozitjen në gjendje të dehur, transmeton Telegrafi.

Por, hulumtimet e fundit, përderisa nuk thonë se përzierja e pijeve energjike me alkool e ‘detyron’ dikë të bëjë seks të rastësishëm, të paktën ia rritë shanset për ta bërë atë veprim.

Seksi i rastësishëm nënkupton një marrëdhënie në të cilën angazhimi dhe ekskluziviteti nuk kanë vend. Mes atyre që bëjnë seks rastësor, kjo perceptohet si një përfitim i rëndësishëm, pasi lejon që nevojat seksuale dhe emocionale të plotësohen pa nisur një marrëdhënie të përkushtuar.

Seksi i rastësishëm dhe në gjendje të dehur ka pasoja të rrezikshme, duke përfshirë shtatzënitë e padëshiruara, sulmet seksuale dhe transmetimin e sëmundjeve seksuale! /Telegrafi/