Përse qeni dridh këmbën derisa e kruani në stomak?

Secili që ndonjëherë ka përkëdhelur qenin në stomak me siguri ka vërejtur se si këmba e tij e pasme fillon të “vrapojë”. A keni pyetur ndonjëherë përse ndodh kështu?

Po ju transmetojmë përgjigjen e ekspertëve…

Përgjigjja më e përgjithësuar është – evolucioni! Në të vërtetë, macet, qentë lëvizin këmbën e pasme kur i përkëdhelim në stomak, dhe këtë nuk mund ta kontrollojnë.

Ekspertët për sjelljen e qenit thonë që fjala është për refleks të pavetëdijshëm…

“Për shembull, nëse prekni shporetin e nxehtë, madje edhe para se truri juaj ta kuptojë që fjala është për diçka që dhemb, palca kurrizore atë tashmë e ka vërejtur dhe ka dërguar sinjalin i cili shkakton lëvizje refleksive të dorës. Sikur të ishit të detyruar që të prisni që truri juaj ta kuptojë që jeni në rrezik, kjo vonesë do të mund të shkaktonte lëndim serioz apo vdekje”, thotë veterinari, dr. Lore Haug, transmeton Telegrafi.

Te qeni përkëdhelja është ndjenjë që diçka po e gudulis, shenjë që paraziti apo miza e rrezikshme janë aty, andaj me kohë është krijuar refleksi i cili do të duhej ta përzinte sulmuesin.

Ky refleks është aq i natyrshëm sa që veterinarët mund ta përdorin në diagnostikimin e problemeve neurologjike – si p.sh. goditjen me çekiç gome në gjurin e njeriut. /Telegrafi/