Përmbyset automjeti teksa kalonte lumin Osum, shpëtojnë mrekullisht tre persona dhe zjarrfikësi që iu erdhi në ndihmë

Një incident që mund të kishte pasoja të rënda është regjistruar gjatë orëve të para të mëngjesit të së hënës në fshatin Malinat në bashkinë e Poliçanit.

Një automjet, foristradë tip Ford, në përpjekje për të kaluar lumin midis fshatit Mbrakull dhe Malinat, ka ngecur në ujë. Rrymat dhe rrjedha e lumit e kanë marrë fuoristradën përpara, duke e fundosur atë.

Mësohet se shoferi i mjetit ka mundur të dalë me not në breg për të kërkuar ndihmë, ndërkohë që dy shtatasit e tjerë që udhëtonin me të kanë mbetur të kapur mbi pjesën e sipërme të makinës.

Pas sinjalizimit të marrë për ngjarjen në orën 02:30 të mëngjesit, në zonë kanë shkuar efektivë të shumtë të Repartit Zjarrëfikës të Beratit dhe efektivë të policisë, të cilët kanë bërë të mundur shpëtimin e banorëve të bllokuar në mes të rrjedhës së lumit Osum.

Gjatë aksionit për shpëtimin e dy shtetasve, një efektiv i zjarrëfikësve të Beratit ka rrezikuat seriozisht jetën, pasi rrymat e forta të lumit e kanë tërhequr drejt rrjedhës. /Telegrafi/