Përkujtohen dëshmorët dhe martirët e fshatit Nagac, dhe Hoçë e Vogël të komunës së Rahovecit

Sot në 26 vjetorin e rënies, kryetari i Komunës së Rahovecit, Smajl Latifi, me bashkëpunëtorë dhe qytetarë të shumtë, kanë nderuar kujtimin e dy dëshmorëve dhe pesë martirëve të fshatit Nagac.

Latifi gjatë këtyre nderimeve u shpreh që sot u bashkuam për t’i kujtuar me nderim dhe krenari ata që e mbrojtën këtë tokë me jetën e tyre.

Po ashtu më pas kryetari Smajl Latifi, së bashku me familjarë të dëshmorëve e martirëve, përfaqësues të OVL-së e bashkëqytetarë të shumtë, nderuan edhe kujtimin për sakrificën sublime të 9 dëshmorëve të kombit dhe 34 martirëve nga Hoça e Vogël.

Në fjalën e tij Latifi u shpreh që ky përvjetor la plagë të thella në këtë vend që kurrë nuk u dorëzua.

“Më 2 prill 1999, forcat serbe kryen një krim të pashlyeshëm, duke ua marrë jetën 14 fëmijëve të pafajshëm dhe qytetarëve të tjerë të cilët ishin strehuar në Nagac, në fshatin që u bombardua nga aeroplanët luftarak të armikut e që la plagë të thella në këtë vend që kurrë nuk u dorëzua. Sot, në këtë dhe të shenjtë, kujtojmë ata që ranë, duke e bërë të përjetshme lidhjen me tokën tonë të larë me gjak dhe me amanetin e tyre, për të jetuar të lirë dhe krenarë në hisen e Diellit që na takon.” – u shpreh tuje Latifi.