Në Gjykatën e Prishtinës ka prekur fundin rigjykimi i Sylejman Selimit, i cili akuzohet se si pjesëtar i UÇK-së ka kryer krime lufte kundër popullatës civile dhe atë në bashkëkryerje me të akuzuarin tjetër, Jahir Demaku, duke cenuar integritetin trupor dhe shëndetin e një personi të paidentifikuar nga lagjja Shipol e Mitrovicës.
Në seancën e 22.04.2024 u dhanë fjalët përfundimtare për këtë procedurë të rigjykimit.
Gjatë kësaj seance fjalën e morën edhe vetë të akuzuarit Selimi e Demaku.
Sylejman Selimi e quajti të turpshme ardhjen në Gjykatë për akuzat që i janë bërë nga “Dëshmitari A”, dëshmitari i vetëm në këtë proces gjyqësor.
“Më komike dhe më fyese se me thënë e ka rrehë një person se nuk i ka shitë dele UÇK – së, a ka ma turp për këtë proces? Është turp me ardhë në këtë gjykatore, me ardhë për këtë, edhe me thënë që unë e paskna rreh një person në kohën, në ofensivën, në kohën më të vështirë që e kam pasur të mundshme, edhe me shku me rreh një person, për çka? se nuk i ka shitë dele UÇK-së”- tha Selimi.
Kurse i akuzuari Demaku tha se procesi ndaj tij është shpikje e gënjeshtër e të njëjtit dëshmitar.
“Pas më shumë se një dekadë është e pakuptuar dhe e çuditshme se si mund të akuzohem për diçka që kurrë nuk ka ndodhë, ku dihet botërisht se nuk ekziston as vepra dhe as personi. Është vetëm një shpikje, gënjeshtër e ‘Dëshmitarit A’, i cili ishte instrument në funksion të një procesi të manipuluar” – tha Demaku.
Në fjalën e saj përfundimtare, prokurorja e Prokurorisë Speciale, Florije Shamolli, kërkoi që të akuzuarit të shpallen fajtorë dhe të dënohen sipas ligjit.
“Në mënyrë të qartë u vërtetua se dy të akuzuarit kanë kryer veprën penale për të cilën ngarkohen andaj i propozoj Gjykatës që të njëjtit t’i shpallë fajtorë dhe t’i dënojë me dënim sipas ligjit“ – tha prokurorja.
Ndërkaq mbrojtja e të akuzuarve ka kërkuar lirimin e të akuzuarve.
Avokati Artan Qerkini, mbrojtës i të akuzuarit Sylejman Selimi, e cilësoi deklaratën e “Dëshmitarit A” si të pabesueshme dhe ceku se deklarata e tillë nuk është bazuar në asnjë dëshmitar apo provë tjetër.
Tutje, edhe avokati i të akuzuarit Jahir Demaku ka kërkuar që i mbrojturi i tij të lirohet në mungesë të provave.
“Në mungesë të provave propozoj që Jahiri të lirohet nga aktakuza” – tha avokati Mexhid Syla.
Rasti po trajtohet në Departamentin Special të Gjykatës së Prishtinës nga trupi gjykues i kryesuar nga Ngadhnjim Arrni dhe ma anëtarët Lutfi Shala dhe Mentor Bajraktari.
Rasti pretendohet se ka ndodhur në qendrën e ndalimit në Likovc të Skenderajt në një datë të papërcaktuar siç thuhet në dosje “në muajin gusht apo shtator të vitit 1998”.
Këtë vepër penale ata akuzohen se e kanë kryer teksa personi i paidentifikuar ka qenë në qendrën e ndalimit të Likovcit, duke e rrahur atë në mënyrë të përsëritur.
Ky rast që aktualisht po gjykohet është i njohur si “Drenica 1”, pasi lënda “Drenica” ishte ndarë në “Drenica 1” dhe Drenica 2”.
Sylejman Selimi ishte dënuar për rastin “Drenica 2” nga Gjykata e Mitrovicës më 27.05.2015 me 8 vjet burgim. Apeli e kishte zbutur dënimin në 7 vjet. Kurse në rastin “Drenica 1” ishte dënuar me 6 vjet dhe rasti është kthyer në rigjykim dhe po gjykohet në Gjykatën e Prishtinës./Kallxo.com
Promo
Reklamo këtuLufta Prigozhin - Putin
Më shumëZbulohen prapaskenat e dhunës në takimin e Edi Ramës me diasporën në Londër
Qendrat e emigrantëve bosh prej javësh, policia italiane dhe punonjësit socialë largohen nga Shqipëria - The Guardian sjell detajet
Targat RKS, banorët e Leposaviqit përballen me vonesa për vazhdimin e regjistrimit të automjeteve
Ngjarja e rëndë në shkollë, flet për herë të parë 14-vjeçari Luis Meçe: Më gjuajti me thikë gjashtë herë
Policia arreston tre persona te Manastiri i Deçanit, në targa u shkruante “Kosova është Serbi”
Ura që lidh Ulqinin me Velipojën do të ndërtohet edhe me qeverinë e re malazeze
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Më të lexuarat
"Mund të shkojë deri në 1 milion dollarë?": Ekspertët tregojnë se çfarë mund të ndodhë, nëse SHBA nën Trump krijon një 'rezervë kombëtare me bitcoin'
Këshilltari i Trump për sigurinë kombëtare tregon se si e sheh ai “fundin e luftës në Ukrainë”
Ruben Amorim kritikon haptas yllin e Man United pas barazimit ndaj Ipswich Town
Ngjarja me Drilonin dhe Edin - Sarës i përkeqësohet gjendja në Big Brother VIP Kosova?
Pochettino e injoroi dhe bëri sikur nuk e njeh, ish-ylli i Chelseat ka një përgjigje për argjentinasin
Real Madridi në mesin e klubeve të interesuara për transferimin e mbrojtësit nga Serie A