Përfundon pa fitues derbi i kryeqytetit të Tiranës

Ka përfunduar pa fitues derbi i kryeqytetit shqiptar Tiranës, ku Tirana dhe Partizani luajtën pa gola 0-0.

Ishte një sfidë shumë e luftuar nga të dyja skuadrat që nga minuta e parë e ndeshjes, por që gola nuk solli.

Përkundër rasteve të shumta që patën të dyja skuadrat në fund rrjetet mbetën të paprekura.

Për Tiranën më i miri në fushë padyshim ishte portieri kosovar Visar Bekaj që bëri disa pritje fantastike.

Teksa te Partizani luajtën dy mesfushorët nga Kosova, Rron Broja e Esat Mala të cilët patën paraqitje shumë të mirë.

Gjithsesi në fund dy skuadrat u desh të kënaqen me nga një pikë të fituar nga kjo ndeshje derbi.

Me këtë barazim, Partizani merr kreun e renditjes me 11 pikë të tubuara, një më shumë se Vllaznia në vendin e dytë në tabelë.

Në anën tjetër Tirana zë vendin e shtatë në tabelë gjashtë pikë të grumbulluara pas gjashtë xhirove.

Ndeshjen e ardhshme Partizani e luan në shtëpi përballë Teutës së Durrësit, ndërkohë Tirana do ta ketë një udhëtim të vështirë te Laçi. /Telegrafi/