“Përdorim i forcës, kanosje dhe veprime të tjera të dhunshme”, aktakuzë kundër një personi për veprën penale trafikimi me njerëz në Gjakovë

Prokuroria Themelore në Gjakovë, departamenti i Krimeve të Rënda, ka ngritur aktakuzë, kundër të pandehurit A.P., për veprën penale “Trafikimi me njerëz’’.

Sipas një njoftimi për media bëhet e ditur se i dyshuari përdori maltretimin fizik dhe psikik me qëllim shfrytëzimi për përfitim ndaj të dëmtuarës A.V.

“Sipas aktakuzës ndër tjera cekët se i pandehuri A.P., nga muaji marsi i vitit 2021, e deri më datë 30.01.2024, në Gjakovë, merr pjesë në trafikimin me njerëz me anë të kanosjes, përdorimit të forcës, mënyrës së përfitimit përmes punës së detyruar dhe veprime të tjera të dhunshme, kontrolluese të përcjella me maltretimin fizik dhe psikik me qëllim shfrytëzimi për përfitim ndaj të dëmtuarës A.V.

“Me këto veprime i njëjti ka kryer veprën penale ‘Trafikimi me njerëz’ nga neni 165 par.1 të KPRK-së”, thuhet në njoftim.

Po ashtu siç thuhet në njoftim prokurori i çështjes, me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprën penale e cila i vihet në barrë. /Telegrafi/