Tregtarët e veturave të reja në disa vende të Bashkimit Evropian i motivojnë qytetarët që të intensifikojnë blerjen e hibridëve plug-in këtë vit, sepse modelet PHEV do të jenë dukshëm më të shtrenjta në vitin 2025.
Rregullorja për testet e shkarkimeve të CO2 është duke u shtrënguar, që do të thotë se ky lloj hibridi nuk do të plotësojë më kushtet për stimuj shtetërorë gjatë blerjes.
Sipas rezultateve të shitjeve në Evropë, është evidente se veturat elektrike janë gjithnjë e më pak interesante për klientët. Shumë njerëz i drejtohen hibrideve, por jo të gjitha llojet e “të përziera” janë një zgjidhje e dëshirueshme.
Emetimi zero ishte një problem djegës që prodhuesit e automobilave e kapën “si një i dehur”, për të ulur emetimet mesatare të CO2 të të gjithë gamës së automjeteve për të shmangur gjobat. Megjithatë, duke qenë se shitja e automjeteve me bateri nuk shkon sipas planit, nuk ka asgjë për të ulur vlerën e CO2, dhe kjo do të thotë se prodhuesit do të gjobiten shumë milionëshe.
Zgjidhja e ofruar në formën e një hibridi plug-in ka ardhur në rënie tek klientët vitet e fundit dhe këtë e vërtetoi edhe rënia e shitjeve të tyre prej gati 20 për qind këtë vit, gjë që sigurisht nuk i lë indiferentë prodhuesit. Megjithatë, në disa tregje të BE-së, përderisa ka ende subvencione për atë lloj automjeti, shitësit e veturave të reja i motivojnë qytetarët që të bëjnë blerje këtë vit përderisa janë më të favorshme.
Vitin e kaluar në pranverë, Bashkimi Evropian analizoi të dhënat për konsumin e karburantit dhe energjisë elektrike të PHEV-ve, pasi i detyroi prodhuesit të instalojnë një pajisje matëse në modele të tilla.
Qëllimi i BE-së ishte zbulimi i devijimeve që dihej se ekzistonin, por nevojiteshin të dhëna solide për të konfirmuar dyshimet dhe, në fund, reagimet adekuate nga ligjvënësit. Analiza e detajuar e kryer detyroi Evropën të ofrojë transparencë më të madhe në lidhje me këto matje, duke vendosur një rregullore të re që do të hyjë në fuqi në ditën e parë të vitit 2025.
Rregulloret e reja vijnë si rezultat i keqpërdorimit të emetimeve më të ulëta të CO2, pasi prodhuesit shpesh komunikonin vlerat nën 50 gram për kilometër të udhëtuar.
Testet dhe testet gjatë fazës së homologimit japin rezultate në lidhje me konsumin e karburantit dhe emetimet që janë pjesërisht të vërteta dhe pjesërisht jo.
Matja bëhet me një bateri të ngarkuar plotësisht, por shumica dërrmuese e pronarëve dembelë nuk e karikojnë rregullisht, kështu që motori me djegie të brendshme i fuqizon këto makina. Imazhi i rremë ka favorizuar prej vitesh modelet PHEV.
Çfarë dëshiron të shmangë BE-ja me standardin e ri të emetimeve Euro 6e? Në rastin e një PHEV, kjo do të bëjë dy teste me distancë të barabartë, njëra me baterinë e ngarkuar, tjetra me baterinë e shkarkuar, në mënyrë që analiza e dy testeve të ofrojë një rezultat pa dhe me emetime. Tashmë mund të supozohet se emetimet do të jenë më të larta dhe se modelet PHEV do të përballen me një “dënim”.
Prodhuesit do të duhet të gjejnë mënyra për të përputhur emetimet, ose duke përshtatur motorët duke reduktuar fuqinë, me pajisje reduktuese ose duke rritur diapazonin elektrik me dy deri në tre herë atë që ofrojnë aktualisht.
Të gjitha së bashku, ngre pluhur, sepse realisht nuk do të jetë e realizueshme. Prandaj, është e sigurt që makinat PHEV do të shtrenjtohen dhe çmimet më të larta sigurisht që do t’i paguajnë konsumatorët fundorë. /Telegrafi/
Promo
Reklamo këtuLufta Prigozhin - Putin
Më shumëPër shkak të rregulloreve të reja, hibridet plug-in do të bëhen më të shtrenjta
Audi A5 me ekran edhe për ulësen e pasagjerit
Fakt interesant: Dy të tretat e tregtarëve gjermanë të automjeteve të përdorura nuk shesin vetura elektrike!
Porsche zbulon modelin e veçantë 928 me dërrasë sërfi në çati
Audi ndryshoi përsëri emërtimin e modelit: "Rombi i kuq" u shfaq aty ku nuk ishte
Ngjarja ‘pa kufi shpejtësie’ u ndërpre pas një aksidenti të madh – ‘viktimë’ ishte një Porsche 911 që lëvizte me shpejtësi mbi 320 km/h
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë