New Orleans Pelicans kanë marrë një fitore shumë të rëndësishme në luftën për ‘Play-Off’.
Të udhëhequr nga Brandon Ingram, Pelicans kanë mposhtur një nga konkurrentët direkt LA Clippers me tetë pikë diferencë 122:114.
Për vendasit e Pelicans ishte fitorja e shtatë në tetë ndeshjet e fundit.
Pelicans kanë mposhtur për herë të tretë këtë edicion Clippers nga tre përballje sa kanë pasur këto dy skuadra gjatë sezonit 2022/23.
Brandon Ingram ka qenë fantastik me 36 pikë, tetë asistime e katër kërcime.
Me lojë të mirë u dallua edhe qendra Valenciunas me 23 pikë e 12 kërcime, derisa McCollum dhe Murphy shtuan nga 19 pikë të tjera.
Kawhi Leonard ishte fantastik me 40 pikë për mysafirët, por që nuk mjaftuan për të marrë fitore në Smothie King Center. /Telegrafi/
