Patriku Bartolomeu letër mbështetëse për operacionin ‘Dega e Ullirit’

Patriku Ekumen Ortodoks Grek në Stamboll Bartolomeu i ka dërguar letër Presidentit të Turqisë, Recep Tayyip Erdoğan, ku ka shprehur mbështetje për operacionin ‘Dega e Ullirit’ në Afrin të Sirisë, raporton Anadolu Agency.

“I lutemi Zotit të Shenjtë me gjithë zemër që operacioni ‘Dega e Ullirit’, i nisur me vendosmërinë e Shkelqësisë suaj, përveç që t’i japë fund problemit të terrorizmit i cili ka kushtuar me jetën e mijëra personave dhe ka preokupuar shtetin tonë për dhjetëra vite, të sjellë edhe paqe në Siri. Shpresa jonë dhe e xhematit tonë është që duke i dhënë fund terrorizmit i cili ka prekur dhe ka shqetësuar të gjithë qytetarët tanë, duke filluar nga bashkëatdhetarët tanë kurdë në juglindje dhe shteti ynë të zhvillohet me shpejtësi në një mjedis të sigurtë”, thuhet në letrën e Bartolomeut.

Në letrën e tij Bartolomeu ka thënë se në ritualet e tyre, të cilat janë traditat e lashta të kishës, gjithmonë luten për mbijetesën e shtetit, shëndetin e drejtuesve të shtetit, mirëqenien dhe lumturinë e njerëzve si dhe për shpëtimin e qindra mijëra njerëzve të cilët jetojnë në fqinjët jugorë duke filluar nga Siria dhe të cilët janë zhvendosur nga shtëpitë e tyre për shkak të përleshjeve.

“Qëndrimi i vendosur i shkëlqesisë suaj ndaj kategorizimit të terrorizmit, po krijon një reflektim të madh në opinionin publik botëror. Ne i urojmë suksese shkëlqesisë suaj dhe Forcave të Armatosura Turke dhe shpresojmë që operacioni ‘Dega e Ullirit’ të sjellë paqe në rajon ashtu siç e ka emrin dhe t’u japë shpresë për një të ardhme të sigurtë njerëzve të bezdisur nga dhimbjet e shumta. Me këtë rast kuptimplotë, ne i lutemi Zotit të Shenjtë që t’ju japë shëndet dhe qëndrueshmëri shkëlqesisë suaj, që jeni duke luftuar në të njëjtën kohë me kërcënime të brendshme e të jashtme për ta çuar shtetin tonë në një të nesërme më të mirë”, thuhet në letër. /Telegrafi