Para se të shkarkohej nga Roma, Mourinho tashmë e kishte ndarë mendjen për klubin që do drejtonte

Jose Mourinho dyshohet se ka zhvilluar bisedime me një klub para se ai të shkarkohej nga Roma.

Periudha kaotike e 60-vjeçarit prej dy vitesh e gjysmë në Stadio Olimpico mori fund dy javë më parë.

Kontrata e tij me Romën ishte caktuar të përfundonte në fund të sezonit, por ata morën vendimin për ta ndërprerë atë herët.

Lexo po ashtu Mourinho ka ateruar në Barcelonë, pyetet nëse po bëhet trajner i gjigantit katalunas

Kjo rezultoi që ai të merrte një pagesë prej pesë milionë eurosh pasi u shkarkua, duke i çuar të ardhurat e Mourinhos në karrierë nga shkarkimet në 95 milionë euro.

Trajneri portugez fitoi Ligën e Konferencës së Evropës në sezonin e tij të parë me Romën, por ai pati vështirësi në Serie A.

Ata përfunduan të gjashtit në dy sezonet e tij të plota në krye dhe ishin në vend të nëntë kur ai u largua dhe u zëvendësua nga legjenda e klubit Daniele De Rossi si trajner i ri.

Daily Mirror raporton se Mourinho gjithmonë do të largohej nga Roma këtë vit dhe tashmë kishte zhvilluar bisedime për një punë tjetër.

Ata deklarojnë se ai “kishte qenë në diskutime për t’u bashkuar me skuadrën e Arabisë Saudite, Al-Qadsiah”.

Ata janë aktualisht në krye të Ligës së Kategorisë së Parë të Arabisë Saudite, një nivel më poshtë se Liga Saudite Pro. /Telegrafi/