Papa kritikoi të gjithë ata që shkuan për pushime në mes të masave

Papa Françesku sot dënoi njerëzit që shkuan jashtë vendit për të shmangur masat shtrënguese të vendosura për shkak të pandemisë së coronavirusit, duke thënë se atyre u duhej të tregonin më të vetëdijshëm kur bëhej fjalë për vuajtjet e të tjerëve.

Gjatë një fjalimi në mesditë, Ati i Shenjtë pohoi se kishte lexuar raportet e gazetave për njerëzit që largoheshin nga vendi pak para masave të qeverisë dhe duke kërkuar argëtim diku tjetër në botë.

“Ata nuk menduan për njerëzit që qëndruan në shtëpi, për problemet ekonomike të shumë njerëzve që u prekën nga bllokimi, ata nuk menduan për të sëmurët. Ata menduan vetëm për të shkuar me pushime dhe për t’u argëtuar. Kjo më trishtoi shumë”, tha Papa, raporton reuters.

Në ditën e tretë të Vitit të Ri, Papa gjithmonë jep bekime nga dritarja me pamje nga sheshi i Shën Pjetrit, por këtë herë ai qëndroi brenda bazilikës, në mënyrë që të parandalonte një mbledhje të mundshme të audiencës dhe për të parandaluar përhapjen e COVID-19.

“Ne nuk e dimë se çfarë mund të na sjellë 2021, por ajo që të gjithë mund të bëjmë është të bëjmë një përpjekje më të madhe për t’u kujdesur për njëri-tjetrin. Megjithatë, ekziston një qëllim i qartë për t’u kujdesur vetëm për veten”, shtoi ai. /Telegrafi/