“Pamje apokaliptike”, qytetin kinez e “përpin” brenda minutës stuhia e rërës (Video)

Një qytet kinez në veriperëndim të vendit është “ngufatur” nga një stuhi e madhe rëre, që ka shkaktuar vonesa në trafik dhe banorët t’i detyrojë të mbulojnë fytyrat e tyre me maska.

Videoja e publikuar nga Administrata e meteorologëve të Kinës, shfaq një mur ngjyrë hiri duke goditur qytetin Zhangye në provincën Gansu, duke bërë kështu të krijohet një re me ngjyrë të verdhë që “përpin” qytetin brenda minutës, transmeton Telegrafi.

Pamjet e publikuara nga agjencia e lajmeve Xinhua, shfaqin banorët duke mbuluar fytyrën me maska e rroba të brengosur për shëndetin e tyre nga kjo stuhi e rërës.

Sipas administratës së meteorologëve, muri gjigant i rërës ishte afro 100 metra i lartë, kurse dukshmëria ishte më e vogël se 100 metra. Qindra patrulla të policisë kanë dalur nëpër rrugë që të sigurohen të mos ketë aksidente trafiku. /Telegrafi/