Pamja e një peshkaqeni në një vend të pazakontë befason banorët e Idaho

Një peshkaqen i salmonit befasoi banorët e zonës kur këtë javë u gjet në brigjet e Salmon River afër Riggins të Idaho-s – por autoritet thonë se ka të ngjarë të jetë një shaka.

Departamenti i Peshqve dhe Lojërave të Idahos (IDFG) tha se pranuan shumë telefonata dhe e-maile në lidhje me një peshkaqen që kishte dalë në breg.

Zbulimi befasues ishte veçanërisht shqetësues, pasi peshkaqenët e salmonit zakonisht gjenden në oqean të hapur. Por ajo se çfarë e bënë këtë ngjarje më të çuditshme është se Riggins është mbi 800 kilometra larg oqeanit, raporton NYPost, përcjell Telegrafi.

“Me kaq shumë telefonata që erdhën, ne ndjemë nevojën për të hetuar dhe kjo është ajo që gjetëm”, tha IDFG në një deklaratë të mërkurën. “Mund ta gjykoni vetë rastin”, shkruhej tutje.

IDFG tha që meqenëse asnjë peshkaqen nuk është vërejtur duke notuar në ndonjë pasazh të peshqve, dhe i vetmi peshkaqen i njohur që mund të jetojë në ujërat e ëmbla është peshkaqeni dem, është “e sigurt të supozohet se” dikush e ka hedhur këtë krijesë në breg për shaka.

Peshkaqenët e salmonit, siç tregon edhe emri i tyre, ushqehen me salmon, kallamar, si dhe disa lloje të tjera të peshqve.

Duke jetuar në veri të oqeanit Paqësor, peshkaqenët e salmonit mund të rriten deri në 3 metra gjatësi dhe të peshojnë deri në mbi 453 kilogram. /Telegrafi/