Pacolli anulon shkuarjen në Bosnjë, pas kërcënimeve të Dodikut

Zëvendëskryeministri njëherësh edhe ministri i Punëve të Jashtme, Behgjet Pacolli ka anuluar pjesëmarrjen e tij në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore.

Anulimin e pjesëmarrjes në këtë takim , Pacolli e ka bërë për shkak të kërcënimeve nga presidenti i Republikës SRPSKA, Milorad Dodik.

Lexo po ashtu Dodik: Pacolli nuk është i mirëpritur në Bosnje

Postimi i i plotë i Pacollit:

Sapo kam anuluar pjesëmarrjen time në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore për shkak të kërcënimeve nga Presidenti i Republikës serbe të Bosnje dhe Hercegovinës, Mirolad Dodik, i cili sot në një intervistë për një medium ka deklaruar se unë dhe delegacioni im nuk jemi të mirëseardhur në Banja Llukë. Me politikan si Dodik rajoni nuk mund të ecën përpara. Gjuha kërcënuese e Dodikut na kujton një të kaluar të afërt të politikanëve radikal, si ky vet dhe pasojat e këtyre kërcënimeve. Republika e Kosovës mbetet e përkushtuar drejt bashkëpunimit rajonal, ndërsa ftoj zyrtarët e BE-së, sidomos ata në Komisionin Evropian që të mos heshtin ndaj këtyre fenomeneve.