Fotografitë e reja që me sa duket zbulojnë dizajnin e OnePlus 7 kanë dalë në internet - dhe duket sikur kompania me bazë në Shenzhen do të eliminojë ekranin e prezantuar me OnePlus 6 dhe të rafinuar me OnePlus 6T.Pajisja e ardhshme, e cila nuk do të përfshijë mbështetje për shpejtësinë e rrjetit 5G, do të ketë një ekran që mbush çdo kënd në pjesën e përparme të pajisjes. Për të akomoduar këtë ekran vertikalisht të ngushtë, kamera frontale do të zhvendoset në një kuti të vogël që hapet nga ana e sipërme e telefonit.
Duke pasur parasysh kornizat shumë të holla përreth ekranit, është e paqartë saktësisht se ku do të vendosen altoparlantët frontal dhe sensorët e dritës së ambientit.
Fotografitë e fundit u ndanë në internet nga përdoruesi i Twitter @Steven_Sbw. Për fat të keq, të gjitha këto imazhe të zbuluara shfaqin pjesën e përparme të pajisjes, prandaj është e vështirë të nxirren detajet për kamerat e pasme ose dizajni industrial./Telegrafi/
