OnePlus 7 Pro shfaqet plotësisht online, në prag të lansimit (FOTO)

Blogu i shquar Android Central ka publikuar një sërë dizajnesh me rezolucion të lartë që zbulon çdo pëllëmbë të OnePlus 7 Pro, duke përfshirë disa nga variantet e ngjyrave që vijnë në rangun e ri.

Imazhet janë marrë nga informatori Ishan Agarwal dhe zbulojnë një ngjyrë të dyfishtë blu – të quajtur “Nebula Blue” – që duket e ngjashme me stilin e gradientit që Huawei e popullarizoi me serinë e saj P20 të vitit të kaluar dhe vazhdoi me P30 dhe P30 Pro.

Për më shumë, rrjedhjet duket se konfirmojnë ekzistencën e një përzierje të re të artë të quajtur “Almond” dhe një ngjyrë “Mirror Grey” që duket shumë e ngjashme me atë të Mirror Black të parë në OnePlus 6T vitin e kaluar .

Përveç sistemit të kamerës vertikalisht në formë pilule, dizajnimi i kopertinës të pasme duket të jetë kryesisht i pandryshuar nga OnePlus 6T. Pozicioni i butonave të volumit dhe të kyçjes mbetet i pandryshuar gjithashtu.

OnePlus reduktoi në mënyrë dramatike madhësinë e kornizave me OnePlus 6T. Tani duket se kamera vetëlëvizëse është zhvendosur në një mekanizëm sirtari që del nga brendia në mënyrë që të ofrojë ekran më të pasuruar.

Fatmirësisht, nuk do të duhet të presim shumë derisa të gjejmë përgjigjet për çdo pyetje të mbetur. OnePlus do të zbulojë serinë e re të telefonave të tyre të martën, më 14 maj 2019. /Telegrafi/