Andre Miller kaloi 17 vjet në fushën e ligës më të fortë të basketbollit në botë, NBA, por humbi një ndeshje për një arsye të paregjistruar deri më tani.
Në vitin 2002, ish-lojtari i Cleveland Cavaliers, Denver dhe Philadelphia 76ers fitoi titullin e asistuesit më të mirë në NBA, me 10.9 asistime për ndeshje.
Si 33-vjeçar, ai erdhi në Portland, ku u përball me një situatë të tillë që bota e sportit nuk e kishte parë kurrë më parë.
"O Zot, çokollatë dhe karamele. Do të të tregoj një histori. Një ditë para ndeshjes, nuk mbaj mend saktësisht se në cilën, unë dhe gruaja ime shkuam në një konventë çokollate".
"Qendra tregtare ishte gjigante, kishte çokollata pa limit. Provova absolutisht gjithçka dhe ndjeva se diçka nuk do të shkonte mirë nesër", kujtoi fillimisht Miller.
Miller kujtoi se si e teproi me çokollatën dhe vrapoi në banjo pak çaste pasi filloi loja. Megjithatë, nuk mbaroi këtu pasi iu desh të shkonte në urgjencë ku e vunë në gjumë me morfinë.
"Nuk u zgjova për dy ditë. Më helmoi ushqimi", zbuloi ish-basketbollisti në podkastin "All The Smoke" .
Në dy vjet në Portland, Miller humbi plotësisht vetëm një ndeshje, kështu që mund të konkludohet se ai u rikuperua shumë shpejt. /Telegrafi/
