“Nuk u ndje mirë dhe kërkoi një pauzë” – kryeministri i Egjiptit u detyrua të ndërpresë shkurtimisht një konferencë shtypi në Kajro

Kryeministri i Egjiptit u detyrua të ndërpresë shkurtimisht një konferencë shtypi televizive të mërkurën, pasi përjetoi disa marramendje, tha një zëdhënës i qeverisë.

Kryeministri Mustafa Madbouly, 58 vjeç, po fliste në kryeqytetin e ri administrativ në Kajro gjatë konferencës së tij javore të lajmeve të Kabinetit, kur nuk u ndje mirë, kapi mikrofonin dhe qëndroi fort dhe kërkoi një pauzë, përcjell Telegrafi.

Sipas zëdhënësit të kabinetit, Mohamed al-Homsani, kryeministri ndjeu trullosje dhe iu desh të ndalonte komentet e tij, por shpejt u bë më mirë dhe rifilloi konferencën pas disa minutash.

Madbouly po fliste për takimet e presidentit Abdel Fattah al-Sissi brenda dhe jashtë vendit.

Egyptian Prime Minister Dr. Mostafa Madbouly experienced brief dizziness during his weekly press conference but continued on air to finish his remarks..#lovincairo #أحمد_الشرع #اجمل_مافي_الشتاء #جمال_مبارك #بسنت_يوسف #اخبار_ساره #مصطفى_مدبولي #الروح_الروح pic.twitter.com/0cZfv2lkUj

— Lovin Cairo (@LovinCairo) December 18, 2024

Al-Homsani tha se Madbouly ishte i rraskapitur, kishte përjetuar një të ftohtë të rëndë ditë më parë, por refuzoi të pushonte dhe ishte i lodhur pasi doli nga zyra të martën vonë.

Ai ka pasur edhe disa takime të mërkurën në mëngjes, para konferencës për shtyp, tha zëdhënësi, duke shtuar se kryeministri po merr mjekime, përfshirë antibiotikë.

Madbouly, me profesion arkitekt, u bë kryeministër në vitin 2018.

Egjipti po pret të enjten në Kajro një samit të bashkëpunimit ekonomik ku do të marrin pjesë edhe Indonezia, Malajzia, Bangladeshi, Pakistani, Irani, Nigeria dhe Turqia. /Telegrafi/