Nuk ndalet tërmeti në Korçë, regjistrohen edhe dy goditje të forta

Rreth orës 21:00, dhe dy lëkundje të forta tërmeti janë regjistruar në zonën e Korçës, duke e shtuar edhe më shumë panikun e qytetarëve.

Lëkundjet kanë nisur që prej orëve të para të mëngjesit të sotëm, ku të paktën katër persona kanë mbetur të plagosur.

Ndërkohë në rreth 70 banesa janë shkaktuar dëme të konsiderueshme materiale.

Banorët janë në panik dhe kanë dalë jashtë për të shmangur çdo dëm në njerëz.

Për ta janë ngritur disa çadra për të kaluar natën, por ata apelojnë për marrjen e masave në riparimin e shtëpive.

Ministria e Mbrojtjes doli me deklaratë lidhur me tërmetet, ku më i madhi rezulton me magnitudë 5.3 balë të shkallës rihter.

Ora 06:20:49, Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=3.9 Rihter, me koordinata 40.450 në Veri dhe 20.770 në Lindje, me thellësi 3 km dhe me epiqendër, 16 km në jug të bashkisë Korçë.

Pra 04:56:40 Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=3.2 Rihter, me koordinata 40.470 në Veri dhe 20.780 në Lindje, me thellësi 4 km dhe me epiqendër, 17 km në jug të bashkisë Korçë, raporton noa.al.

Ora 04:51:57 (GTM), Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=4.7 Rihter, me koordinata 40.470 në Veri dhe 20.810 në Lindje, me thellësi 13 km dhe me epiqendër, 15 km në jug-lindje Nikolicë, të bashkisë Korçë.

Ora 04:43:11 (GTM), Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=3.7 Rihter, me koordinata 40.440 në Veri dhe 20.760 në Lindje, me thellësi 3 km dhe me epiqendër, 18 km në jug të bashkisë Korçë.

Ora 04:33:11 (GTM), Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=5 Rihter, me koordinata 40.470 në Veri dhe 20.670 në Lindje, me thellësi 18 km dhe me epiqendër, 16 km në jug-lindje Mollaj, të bashkisë Korçë.

Ora 04:26:17 (GTM), Instituti i Gjeoshkencës, Energjisë, Ujit dhe Mjedisit, ka regjistruar një lëkundje tërmeti me magnitudë ML=5.3 Rihter, me koordinata 40.470 në Veri dhe 20.710 në Lindje, me thellësi 14 km dhe me epiqendër, 15 km në jug-lindje Floq, të bashkisë Korçë.