Nuk ka ligj antipirat në Holandë

Propozimet e ligjeve me të cilat tentohet të zvogëlohet pirateria duket se kanë hyrë në modë kohëve të fundit.

Paralelisht me to po zhvillohet edhe vetëdija rreth problemeve që mund të sjellin ligjet e këtillë, duke filluar nga ajo se ligjet e këtillë, zvogëlojnë privacinë duke dhënë shpesh të drejta të cilat shkelin në mënyrë serioze të drejtat njerëzore dhe të drejtat tjera. Parlamenti holandez po ashtu shqyrtoi edhe ligjin kundër piraterisë, por vendosi mos ta pranojnë atë.

Në vend të dënimeve dhe shkeljes eventuale të të drejtave dhe lirive të individëve, në Holandë shkarkimi i muzikës dhe filmave për përdorim personal ende po trajtohet si “fair use”, pra nuk do të jenë të dënueshëm. Edhe një arsye për mospranimin e ligjit janë “copyright trolls”, respektivisht kompanitë të cilat do të nxjerrin në gjykatë secilin që ka shkarkuar çfarëdo përmbajtje të mbrojtur nga ligji copyright vetëm për të nxjerrë ca para.

Mirëpo, për Holandezët nuk mund të thuhet se nuk janë konstruktiv. Në vend të ndalesës, kanë propozuar që industria e zbavitjes të përkujdeset për alternativat legale, për shkak se në Holandë për shembull nuk të shkarkohen në mënyrë legale kopjet me kualitet të lartë të filmave apo serialeve të rinj televiziv. /Telegrafi/