Nga: Jim Waterson / The Guardian
Përkthimi: Telegrafi.com
Nisi si histori për një pllakë misterioze në një stol parku në Bristol – por, historia e çuditshme e nderimit të gdhendur në pllakë, për një kurorëshkelës të vdekur, tani po ngre pyetje më të gjera në lidhje me të drejtën e autorit dhe se kush i ka meritat për krijimtarinë në botën e artit.
Fotot e pllakës prej bronzi që nderojnë kurorëshkelësin gjoja të vdekur të quajtur Roger, u bënë virale javën e kaluar, pasi u vendos në një stol druri në lagjen luksoze të Kliftonit.
Kush e vendosi pllakën në përkujtim të “burrit, babait, kurorëshkelësit ” – e cila përfshinte fjalinë e shpagimit, “Roxher, e dija” – kjo mbetet e panjohur. Por, teksa vendasit spekuluan se Banksy mund të ketë qenë i përfshirë, një artist tjetër ka bërë me dije se janë viktimë e mashtrimit.
Krijuesi me bazë në Londër, i cili vepron me nofkën “The Misfortuneteller”, ka thënë se e ka krijuar një pllakë pothuajse identike në mars 2020, pasi kaloi nëpër Parkun Qendror të Nju-Jorkut dhe pasi ka parë mbishkrimet në stolat e drurit.
“Pllakat janë të mira, por nuk janë aq të vërteta”, thotë ai. “Doja të bëja pllaka të ndershme përkujtimore. Të hidhura”.
Ai është tallur me një seri të imazheve që paraqesin homazhe të çuditshme për të ndjerin. Disa nga dizajnet u pranuan si të vërteta. Njëra nga ish-të dashurat përkujtohet me një pllakë ku lexohet: “Për Barbarën – e cila ishte e tmerrshme kur ishte i uritur, por përndryshe mjaft e fortë”.

Të tjerat u bënë të famshme pasi u bënë virale, shpeshherë duke u shpërndarë pa autorësi ose duke u postuar nga llogaritë e memeve në Instagram.
Askush nuk e respektoi autorësinë për një “burrë të dashur, baba dhe kurorëshkelës”, edhe pse imazhi u bë i njohur në internet.
Si rezultat, “The Misfortuneteller” tha se ishte i befasuar kur pa modelin dhe formulimin e tij origjinal në Bristol, këtë javë, duke e shtyrë të thotë: “Nuk është e Banksy-t; është e imja”.
Kushdo që e vendosi pllakën në Bristol e kishte përdorur pothuajse të njëjtin frazë, si dizajni origjinal i vitit 2020, megjithëse kishte ndryshuar emrin e kurorëshkelësit të supozuar të vdekur. Dhe, teksa nuk ka asnjë sugjerim se po kërkojnë të përfitojnë nga veprimet e tyre, artisti origjinal tha se ndihet i indinjuar nga shkelja e mundshme e të drejtave të autorit: “Jam i zemëruar me personin që e mori këtë, e kopjoi dhe e vendosi në një stol. Është reflektim se si këto ditë është e vështirë të respektohet prona intelektuale”.
Tha se ka tension midis kënaqësisë për krijimin e veprës që rezonon me publikun dhe mos marrjes së meritave për të.
“Është interesante se si gjërat bëhen virale – nga njëra anë duhet të ndihesh mirë se argëton njerëzit”, tha ai. “Por, nëse një milion njerëz e pëlqejnë postimin tënd, nuk merr asgjë prej tij”.
Duke tërhequr paralele me ditët e para të shkarkimeve të paligjshme të muzikës në internet, artisti tha: “Edhe ndjekësit e mi thonë se duhet të jem i lumtur. Është si Napster-i – interneti është mësuar të marrë gjërat falas dhe ata presin të marrin gjithçka falas e jo ta japin autorësinë për të gjithë. Është supozimi se po gjete diçka zbavitëse dhe e shpërndan, autori duhet të ndjehet mirë”.
“The Misfortuneteller” këmbëngul se nuk dëshiron të ndalojë të tjerët të krijojnë pllaka subversive. Tha se e vlerëson se është medium i fuqishëm dhe efektiv: “Ka artistë të tjerë në orbitën time që kanë tentuar të bëjnë pllaka. Unë kurrë nuk kam thënë se i zotëroj të gjitha pllakat, ashtu siç nuk e kam vetëm unë të drejtën për ngjyra dhe letër. Mendoj se ky rast është ndryshe, sepse është marrë fjalë për fjalë”. /Telegrafi/
Promo
Reklamo këtuLufta Prigozhin - Putin
Më shumë
Historia e vërtetë e Arratisjes së Madhe

Rëndësia e origjinës, sipas rastit të Marko Boçarit: Sonte nisem për të luftuar kundër shqiptarëve!

Thënie shkodrane: Zoti të dhashtë bereqet n’tru!

Dionisi, i vetëmlinduri dy herë

Harta e shteteve të Evropës, gjatë 2400 vjetëve

Piruni

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Për vetëm 29.95€ me Telegrafi Deals dhe Melodia PX, këto patika bëhen tuajat!

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?
Më të lexuarat

Krenaria e serbëve turpërohet nga kundërshtari, nokautohet brutalisht

Fabrizio Romano zbulon transferimin që e ka shokuar deri më tani: Gjithçka ishte e kryer

Vserlo e pranon se ka xhiruar filma për të rritur

Evakuohet parlamenti kanadez, policia: Qëndroni larg, mos iu afroni zonës

Gjermania konsideron tërheqjen e rezervave të arit nga SHBA: Duhet ta kthejmë, vlen 113 miliardë euro

Paralajmëron kryeministri britanik: Bota ka mbaruar, nuk udhëhiqet më nga rregullat