Declan Rice ka zbuluar arsyen pse ai ka refuzuar që të festojë pas golit që shënoi duke i dhënë fillimisht epërsinë Anglisë në një ndeshje të cilën e fituan me rezultat 2-0 ndaj Irlandës.
Mesfushori i Arsenalit i dha avantazhin Anglisë pas vetëm 11 minutave lojë në ‘Aviva Stadium’ me një goditje të bukur e cila përfundoi në cepin e djathtë të portës së Kelleher.
25-vjeçari refuzoi që ta festojë më pas këtë gol, duke ngritur të dyja duart në drejtim të tifozëve irlandezë.
Rice kishte luajtur më herët për Irlandën në tri raste të ndryshme, para se të ndryshonte shtetin të cilin e përfaqësonte duke zgjedhur Anglinë në vitin 2018.
Declan Rice: “I was never going to celebrate. My nan and grandad are not here anymore and I think it would have been disrespectful to them.” [@beINSPORTS_EN]
— Gunners (@Gunnersc0m) September 7, 2024
Sidoqoftë, Rice e shpjegoi vendimin e tij mbi atë se pse refuzoi të jetë kapiten i Anglisë për këtë ndeshje pas largimit të Harry Kane në minutën e 84-të.
“Ishte një ndjenjë e mrekullueshme, por unë nuk do të festoja kurrë. Unë kam një familje irlandeze. Gjyshja dhe gjyshi im që nuk janë më këtu dhe mendoj se do të ishte mungesë respekti ndaj tyre nëse do të festoja. Babai im ishte këtu po ashtu”.
“Ishte një ndjenjë e mirë të shënoja, por unë doja që të fokusohesha sërish tek ndeshja dhe të tentoja të shënoja më shumë gola. Kështu që po, ishte pozitive”, ka thënë Rice./Telegrafi/