​Njohësi i ekonomisë nga Gjermania: Kosova duhet të ndjek modelin gjerman, jo të krahasohet me të

Gjermania ka fuqi shumë më të madhe ekonomike sesa Kosova, ndërsa kjo e fundit duhet t’i ndjekë politikat gjermane për zhvillim të qëndrueshëm, vlerëson njohësi i ekonomisë që vepron në Gjermani, Liridon Alidemaj.

Kjo sipas tij, është edhe arsyeja që krahasimet mes dy vendeve për zhvillimin ekonomik nuk janë reale.

“Ne nuk mundemi me u shty me shtetet të fuqishme si Gjermani, Zvicër e shumë të tjera sepse së pari, dallon numri i banorëve, i hapësirave, ata prodhojnë shumë më shumë, kurse ne jemi një popull që ende jemi në fazën e zhvillimit, tranzicionit, ende kemi shumë punë për të bërë kështu që krahasime nuk besoj që ka hapësirë çka me krahasua…

Me të gjitha ekonomitë e Ballkanit nuk mundemi me u shty me ekonomitë e forta, mirëpo mirë është të i marrim modelet, praktikat e tyre dhe të kuptojmë se cila është ajo formula e suksesit për te ecur përpara, tash partitë politike kanë premtuar gjatë fushatës, mirëpo shumë është me rëndësi rritja e mirëqenies së qytetarëve”, deklaron Alidemaj.

Ditë më parë, kryediplomatja e Kosovës, Donika Gërvalla, ka bërë një deklaratë që ka ngjallur diskutime, duke thënë se gjithnjë e më shumë bashkatdhetarë mërgimtarë po kthehen në Kosovë për shkak të krizës ekonomike në vendet perëndimore, veçanërisht në Gjermani.

Megjithatë njohësi i ekonomisë, Liridon Alidemaj, i cili aktualisht ndodhet në Gjermani vlerëson se Gjermania nuk mund të krahasohet me Kosovën sa i përket ekonomisë.

Alidemaj gjithashtu theksoi rëndësinë e rritjes së mirëqenies së qytetarëve në Kosovë, duke kujtuar se partitë politike kanë bërë premtime të shumta gjatë fushatave, por tash është koha për të fokusuar në zhvillimin ekonomik të vendit.

“Ne nuk mundemi me u shty me shtetet të fuqishme si Gjermani, Zvicër e shumë të tjera sepse së pari, dallon numri i banorëve, i hapësirave, ata prodhojnë shumë më shumë, kurse ne jemi një popull që ende jemi në fazën e zhvillimit, tranzicionit, ende kemi shumë punë për të bërë kështu që krahasime nuk besoj që ka hapësirë çka me krahasua…

Me të gjitha ekonomitë e Ballkanit nuk mundemi me u shty me ekonomitë e forta, mirëpo mirë është të i marrim modelet, praktikat e tyre dhe të kuptojmë se cila është ajo formula e suksesit për te ecur përpara, tash partitë politike kanë premtuar gjatë fushatës, mirëpo shumë është me rëndësi rritja e mirëqenies së qytetarëve”, ka deklaruar Alidemaj.

Sipas raporteve të fundit të Bankës Botërore, Kosova vazhdon të ketë të ardhurat më të ulëta për kokë banori, krahasuar me mesataren e vendeve të rajonit dhe të Bashkimit Evropian.

Sipas Bankës Botërore shkalla e varfërisë në Kosovë mbetet e lartë, 19.2 për qind.

Sipas publikimeve nga Banka Botërore, Kosova mbetet prapa fqinjëve të saj me Bruto Produktin Vendor për kokë banori që arrin vetëm 5.889 euro. /KosovaPress/