Dy persona kanë humbur jetën duke u hedhur nga dritaret e një hoteli, të përfshirë nga flakët në Turqi në orët e para të mëngjesit të sotëm.
Një zjarr shpërtheu në vendpushimin e skive të mbuluar me borë të Kartalkaya, në provincën veriperëndimore Bolu, rreth orës 3:27 të mëngjesit të së martës.
Zjarri vrau të paktën 10 persona dhe lëndoi 32 të tjerë, sipas ministrit të Brendshëm të Turqisë, Ali Yerlikaya, përcjell Telegrafi.
Dhe flakët dhe tymi u panë duke shpërthyer nëpër çati dhe dritaret e katit të poshtëm.
Me shkollat në pushim deri në javën e parë të shkurtit, resorti ka qenë i mbushur me familje me pushime në rajonin malor të famshëm për pyjet dhe liqenet e tij.
Raportohet se rreth 234 të ftuar po qëndronin në hotel në momentin e rënies së zjarrit. /Telegrafi/
