Një video në mediat sociale, po sinjalizon se Bjellorusia po përgatitet për mobilizim të meshkujve

Së fundi është shfaqur një video në rrjetet sociale që tregon një njoftim në një stacion autobusi në Bjellorusi, ku u kërkohet burrave midis 18 dhe 60 vjeç të vizitonin  zyret e regjistrimi për të “sqaruar të dhënat e tyre”.

Mesazhi ndezi spekulime se Bjellorusia mund të planifikojë të dërgojë trupa në Ukrainë për herë të parë që nga pushtimi rus më 24 shkurt.

Por Hanna Liubakova, gazetari nga Minsku, tha se ende nuk ka asnjë shenjë të “fillimit të mobilizimit të vërtetë”.

Megjithatë, ajo thotë se kjo mundësi nuk mund të përjashtohet, raporton skynews.

#Belarus The announcement at the Barysau bus station: “All male citizens from 18 to 60 years old must come to an enlistment office or village executive committee to clarify their data.”

What on earth is that? pic.twitter.com/H4NgSJsj2p

— Hanna Liubakova (@HannaLiubakova) January 4, 2023

“Njoftimi në një stacion autobusi është i ri, por duket si një mënyrë tjetër për të tërhequr zvarrë njerëzit drejt zyrës së regjistrimit”, tha Liubakova, një anëtare jorezidente në qendrën e mendimit të Këshillit Atlantik.

Në tetor, Ministria e Mbrojtjes e Bjellorusisë njoftoi se një kontroll vjetor i kredencialeve të atyre që janë përgjegjës për shërbimin ushtarak do të përfundonte deri në fund të vitit – megjithëse tha se nuk kishte plane për mobilizim.

Liubakova tha se në dhjetor, “propaganda dhe reklama të ndryshme u shfaqën me postera dhe video që bënin thirrje që burrat të shkonin në zyrat e regjistrimit për kontrollet” – duke sugjeruar se procesi ishte zgjatur.

“Ajo mund të interpretohet si përgatitje e mundshme për mobilizimin e ardhshëm”, tha ajo dhe shtoi se “megjithatë, sot nuk ka shenja të fillimit të mobilizimit të vërtetë në Bjellorusi, megjithëse nuk mund ta përjashtojmë një skenar të tillë”. /Telegrafi/