Një ushtrim për shtrirje të gjithë trupit

Për djelmoshat që nuk kanë mundësi të ndjekin palestrën, ky ushtrim i mobilitetit të gjithë trupit do t’ju përgatisë që të punoni më me efikasitet

Ky ushtrim ka për qëllim mobilizimin e pjesës torokale të shtyllës kurrizore dhe shtrirjes së fleksorëve anësorë (muskujve lakues), transmeton Telegrafi.

Si bëhet ky ushtrim?

Fillojeni nga dyshemeja. Shtrijuni në njërën anë, duke shtrirë dorën dhe këmbën, të cilat gjenden në dysheme. Këmbën tjetër lakojeni në gju mbi këmbën tjetër nën këndin prej 90 gradësh dhe mbështeteni në dysheme, derisa me dorë përpiquni që sikur po kapni diçka që gjendet pas jush.

Gjurin e lakuar shtrëngojeni me dorën e cila gjendet në dysheme, duke shtyrë lehtas gjurin drejt dyshemesë.

Lakoni këmbën e poshtme dhe kapni shputat me dorën e sipërme, duke tërhequr thembrën drejt vitheve. Në fund, lironi tendosjen në qafë dhe lëreni kokën që të lëshohet.

Derisa mbani këtë pozitë, fokusohuni në shtypjen e gjurit të këmbës e cila gjendet sipër në drejtim të dyshemesë, në tërheqjen e këmbës tjetër në drejtim të pjesës së prapme të trupit dhe në fund bëni tërheqjen e shpatullës në drejtim të dyshemesë derisa e lëvizni lehtas në mënyrë që të shikoni drejt dyshemesë.

Mbani trupin të tendosur në këtë pozitë, në secilën anë nga 40 sekonda. Nëse luftoni të qëndroni në këtë pozitë, atëherë është në rregull – shtrijuni në pozitën të cilën keni arritur ta bëni.

/Telegrafi/