Një stuhi ‘apokaliptike’ të premten bëri që çadrat në një plazh të Delaware të fluturojnë duke përfunduar në oqean

Stuhitë të premten goditën pjesë të plazhit në Delaware, me erëra që bënë që çadrat të fluturonin dhe madje të përfundonin edhe në oqean.

Sipas mediave të huaja, përcjell Telegrafi, shiu dhe era goditën bregun jugor të Delaware dhe pamjet e publikuara tregojnë Bethany Beach.

Mark Eichmann, një reporter për WHYY, e quajti videon “me pamje krejtësisht apokaliptike”.

Bregdeti i Delaware u përball me një shi të premten, me erëra me shpejtësi deri në 44 milje në orë (71 kilometra në orë), sipas Shërbimit Kombëtar të Motit.

Stuhitë janë të zakonshme gjatë pasditeve të verës pasi lagështia dhe ajri në rritje kombinohen për të formuar re të rënda.

Kështu, erërat e lidhura me stuhitë mund të jenë të forta dhe të çojnë në dëmtime kur godasin pemët, linjat e energjisë elektrike ose ndërtesat.

Por për fat të mirë nuk është raportuar për ndërprerje të energjisë apo dëme të tjera nga stuhia.

Bregdeti jugor i Delaware është një vend i njohur për pushime verore për shumë njerëz në mes të Atlantikut, shtëpia e qyteteve plazhi si Bethany Beach, Rehoboth Beach dhe Dewey Beach. /Telegrafi/

https://www.youtube.com/watch?v=8CShJ_emH08