Një skenë e pazakontë në Denver: Një grua e zhveshur ecte nëpër aeroport dhe pyeste pasagjerët ‘prej nga jeni?’

Një pasagjer femër duke parakaluar në një sallë të Aeroportit Ndërkombëtar të Denverit muajin e kaluar e zhveshur ka tërhequr vëmendjen e pasagjerëve të tjerë dhe policisë së aeroportit.

Sipas mediave të huaja, përcjell Telegrafi, gruaja, e cila nuk kishte bagazhe, dukej se mbante në dorën e djathtë një lloj shishe apo pije.

Përtej kësaj, ajo ishte krejtësisht e zhveshur.

“Si po ja kalon? Nga jeni?”, ajo pyeti kalimtarët që po e filmonin.

Ndërkohë në disa pamje, oficerët e policisë të Denverit me një batanije të madhe mund të shihen duke ndjekur gruan në një përpjekje për ta bërë atë të mbulohet.

Por ajo qeshte.

“Zonjë, zonjë”, dëgjohet policia që thërret gruan teksa e ndiqte.

Në një moment ajo largohet nga policia që po përpiqet të mbështjellë batanijen rreth saj.

Policia e Denverit dhe autoritetet e aeroportit nuk kishin informacione të mëtejshme mbi gruan dhe incidentin e çuditshëm.

Edhe pse ka një kopje të videos, CBS4 shkruan se ka zgjedhur të mos e transmetojë atë sepse autoritetet raportuan se gruaja besohej se po përjetonte një çështje mjekësore. /Telegrafi/