Një qytetar i Ferizajt është zhdukur që nga e premtja, familjarët kërkojnë ndihmë për gjetjen e tij (Foto)

Një qytetar nga Ferizaj, që nga dita e premte raportohet si i zhdukur dhe sipas familjarëve askush nuk ka ndonjë informacion për vendndodhjen e tij.

Bëhet fjalë për Avdyl Kqikun, për të cilin familjarët thonë se ka rreth 48 orë që nuk dinë për fatin e tij.

Po sipas tyre, në atë kohë, ai supozohet të ketë qenë duke vozitur një veturë të tipit RANGE ROVER, ngjyrë e bardhë.

Rastin e ka konfirmuar për Telegrafin edhe zëdhënësi i Policisë për Rajonin e Ferizajt, Agim Gashi.

Sipas tij, një rast i tillë është raportuar edhe në Policinë e Kosovës. /Telegrafi/