Një person rëndë i lënduar, 15 aksidente trafiku në Shkup

Ngasësi i një motoçiklete është lënduar rëndë në një nga gjithsej 15 aksidente që kanë ndodhur dje në rajonin e SPB Shkup. Në gjashtë aksidente me lëndime më të lehta kanë kaluar shtatë persona, ndërsa në tetë aksidente është shkaktuar vetëm dëm material.

Nga SPB Shkup informojnë se dje policia rrugore ka sanksionuar tetë shoferë të cilët kanë lëvizur me shpejtësi më të madhe se e lejuara, ndërsa nga komunikacioni janë përjashtuar gjashtë shoferë të cilët kanë vozitur nën ndikimin e alkoolit, 20 shoferë para se të marrin të drejtën e drejtimit të automjetit dhe katër fillestarë, si dhe 24 automjete të paregjistruara.

Janë sanksionuar dhe katër shoferë të cilët kanë kaluar në udhëkryq në dritën e kuqe të semaforit, tre shoferë për mosdhënie të përparësisë së kalimit për automjetet në zonën e udhëkryqit, dy shoferë për rreshtim të parregullt, një shofer për mosmbajtje të rripit të sigurimit, si dhe 28 shoferë të cilët kanë shfrytëzuar celularin gjatë drejtimit të automjetit.

Janë hasur edhe 97 automjete të parkuara në mënyrë të parregullt, ndërsa me ndihmën e karrotrecit janë larguar 66 automjete./Telegrafi/