Një audio-mesazh “deepfake” me zërin e Bidenit iu bëri thirrje banorëve të mos merrnin pjesë në zgjedhjet e New Hampshire, reagon Shtëpia e Bardhë
Një audio-mesazh me “deepfake” me zërin e presidentit amerikan Joe Biden, iu bëri thirrje banorëve të New Hampshire të mos merrnin pjesë në votimin e zgjedhjeve për kandidatë të mbajtura të martën.
Mesazhi i rremë telefonik përmes audios, u shpërnda tek votuesit e shumtë në New Hampshire, transmeton Telegrafi.
Aty thuhej kinse Biden iu bëri thirrje banorëve që “ta ruanin votën e tyre për zgjedhjet e nëntorit”.
Thirrja ishte bërë përmes numrit të Kathy Sullivan-ish-kryetares së Partisë Demokratike- dhe ajo paralajmëroi autoritetet, duke thënë se ishte një “ndërhyrje e drejtpërdrejtë në zgjedhje dhe një përpjekje për të ngacmuar atë dhe votuesit e tjerë të New Hampshire”.
Nuk dihet se sa njerëz pranuan këtë thirrje, por një zëdhënës i Sullivan pretendoi se ishin të paktën një mori prej tyre.
An investigation is underway after a fake robocall mimicking President Joe Biden called voters and told them not to turn out for the New Hampshire primary. pic.twitter.com/CRlaSlqhhD
— USA TODAY (@USATODAY) January 23, 2024
Lidhur me këtë rast ka reaguar edhe Shtëpia e Bardhë, ku sekretarja e shtypit Karine Jeane-Pierre deklaroi se mesazhi me të vërtetë ishte i rremë dhe jo i incizuar nga presidenti Biden.
“Presidenti e ka bërë të qartë se ekzistojnë rreziqet nga ‘deepfakes’, dhe imazhet e rrema dhe mesazhet e rreme mund të përdoren nga teknologjitë në zhvillim”, deklaroi Pierre.
Departamenti i Drejtësisë në New Hampshire ka filluar hetimet.
Paralajmërime të shumta ka pasur për keqpërdorimin e Inteligjencës Artificiale dhe videove të montuara apo të ashtuquajturat deepfakes, e sidomos tani afër zgjedhjeve presidenciale në Amerikë.
Startupi i njohur për AI, OpenAI, ditë më parë pati thënë se do të aktivizojë mekanizmat për të luftuar pikërisht këto rreziqe.
Të martën u mbajtën zgjedhjet primare presidenciale në New Hampshire, aty ku njerëzit duhet të votojnë se kush duhet të jetë kandidat i partisë për zgjedhjet presidenciale në muajin nëntor. /Telegrafi/
Promo
Reklamo këtuLufta Prigozhin - Putin
Më shumëSa kushton prodhimi i modelit më të fuqishëm të iPhone 16?
Një nga telefonat më të pritur të vitit po vjen më herët nga sa mendohej
Nëse telefoni juaj po karikohet ngadalë, zgjidheni problemin me këto ‘truke’ të thjeshta
A po përgjohen telefonat tanë, pa e ditur ne?
Përditësimi i Gmail sjell një tjetër funksion të Geminit për përdoruesit e iOS
MalMath: Aplikacioni që zgjidh detyra të matematikës hap pas hapi në gjuhën shqipe