Një kontraktues amerikan po ofron fluturime evakuimi nga Afganistani për 6.5 mijë dollarë për person – reagon zëdhënësja e Shtëpisë së Bardhë

Kontraktuesi amerikan i mbrojtjes dhe themeluesi i Blackwater, Erik Prince thuhet se po u ofron individëve të dëshpëruar të largohen nga Afganistani – pas marrjes së shpejtë të kontrollit nga talebanët – një vend në një aeroplan për të dalë jashtë Kabulit – për një tarifë të madhe.

Sipas Fox News, Wall Street Journal raportoi të mërkurën se Prince po garantonte individët se ai mund t’i shoqëronte me siguri në Aeroportin Ndërkombëtar Hamid Karzai të Kabulit me një fluturim privat për 6,500 dollarë për person para se presidenti Joe Biden të mbyllte “dritaren për shpëtime” në ditët në vijim.

Dhe siç vë në pah Fox News, përcjell Telegrafi, sekretarja e shtypit e Shtëpisë së Bardhë, Jen Psaki denoncoi Prince të mërkurën kur u pyet për planet e tij.

.@PressSec Jen Psaki on Erik Prince offering to fly people out of Kabul for $6,500 each: “I don’t think any human being who has a heart and soul would support efforts to profit off of peoples’ agony and pain as they’re trying to depart a country.” https://t.co/qBPWqi4QvV pic.twitter.com/EV2L9QP8c3

— The Hill (@thehill) August 25, 2021

“Unë nuk mendoj se asnjë qenie njerëzore që ka një zemër dhe shpirt do të mbështeste përpjekjet për të përfituar nga agonia dhe dhimbja e njerëzve nëse ata po përpiqen të largohen nga një vend dhe të kenë frikë për jetën e tyre”, ka thënë ajo.

Po sipas Fox News, kjo është hera e parë që Prince vihet nën vëzhgim për veprimet e tij në Lindjen e Mesme: Në vitin 2014, rojet e Blackwater u dënuan për vrasjen e civilëve ndërsa ofronin siguri për amerikanët gjatë Luftës në Irak.

Prince u përfshi gjithashtu në një raport të vitit 2012 nga Kombet e Bashkuara që pretendonte se ai kishte shkelur një embargo armësh me Somalinë gjatë luftës civile të kombit në 1992.

Themeluesi i Blackwater u akuzua përsëri për shkeljen e një embargo armësh në vitin 2019, këtë herë me Libinë.

Në atë kohë, New York Times raportoi se Prince thuhet se kishte furnizuar një komandant lufte që komplotonte për të përmbysur qeverinë e Libisë, e cila u zgjodh në mënyrë demokratike, me armë në këmbim të 80 milionë dollarëve.

Sidoqoftë, vë në pah Fox News, është e paqartë nëse Prince kishte aftësinë ose mjetet për të evakuuar ata që përpiqeshin të largoheshin nga vendi.

Edhe nëse individët mund të përballojnë çmimin e kërkuar – punëtori mesatar afgan fiton më pak se 600 dollarë në vit.

Blackwater, i cili tani operon me emrin Academi, nuk iu përgjigj kërkesës së FOX Business për koment.

Sipas Wikipedia, Academi ishte një kompani ushtarake private amerikane e themeluar në vitin 1997 nga ish-oficeri i Navy SEAL Erik Prince si Blackwater, e quajtur si Xe Services në vitin 2009 dhe e njohur si Academi që nga viti 2011 pasi kompania u ble nga një grup investitorësh privatë. /Telegrafi/