Një grua pretendon se është vajza e Peles dhe dëshiron që trupi i tij të zhvarroset për testin e ADN-së

Një grua që pretendon se është vajza e legjendës braziliane, Pele, dëshiron që trupi i futbollistit legjendar të zhvarroset për një test të ADN-së.

Shtypi brazilian raporton se Maria do Socorro Azevedo, 60 vjeçe, thotë se ajo është fëmija i tetë i Peles dhe ka të drejtë për një pjesë të 60% të pasurisë së tij, të cilat u lanë fëmijëve të tij.

Pele, emri i plotë i të cilit është Edson Arantes do Nascimento – vdiq në dhjetor 2022, por besohet se ai e pranoi në testamentin e tij se mund të kishte një fëmijë të tetë, një vajzë që nuk e takoi kurrë.

Fëmijët e tij kishin rënë dakord për një test të ADN-së, i cili dha një rezultat negativ, por thuhet se një tjetër test është duke u zhvilluar.

Woman claiming to be Pele's daughter 'wants football legend's body exhumed' https://t.co/VLl7I424dM

— Sky News (@SkyNews) January 23, 2024

Pele thuhet se kishte rënë dakord të bënte një test të atësisë, por vdiq para se të bëhej një test – kështu që avokati i Marias ka kërkuar që trupi i tij të zhvarroset.

Por, avokati që përfaqëson të venë e tri herë fituesit të Kupës së Botës tha se kërkesa është “e paarsyeshme” dhe “e pamundur”.

Lexo po ashtu Momentet që përjetësuan Pelen: Magjia e driblimit dhe golat e tij më të mirë

Duke folur për herë të parë në publik, Maria ka thënë për Record TV të dielën se nëna e saj kurrë nuk i tha Peles se ishte shtatzënë.

Maria kishte kërkuar fillimisht teste në vitin 2019, por shëndeti i Pele dhe pandemia COVID nënkuptonin që një test nuk u krye.

A woman who claims to be the secret daughter of football icon Pele is demanding the exhumation of his body.

Maria do Socorro Azevedo, 60, first launched a paternity suit five years ago and is now instructing a lawyer to make the move. pic.twitter.com/9BH1RLMGj3

— TNZ (@tnzlive) January 23, 2024

Edinho, një nga shtatë fëmijët e Peles dhe njeriu që mbikëqyr trashëgiminë e tij, më parë tha se “ne kemi kryer tashmë analizat dhe është konfirmuar se ajo nuk është motra jonë”.

“Ne dhe ajo e kemi bërë në laborator dhe është konfirmuar që nuk ka asnjë lidhje”, ka shtuar ai, raporton O Globo.

Pasuria e Peles raportohet të jetë me vlerë rreth 12 milionë funte, me 30 për qind të mbetur për të venë e tij, 60 për qind për shtatë fëmijët e tij dhe 10 për qind për dy nipërit dhe mbesat. /Telegrafi/