Një foto me shqiptarë, në arkivat e National Geographic

Historiani Auron Tare ka bërë publikuar një lajm që lidhet me trashëgiminë kulturore të fshatit Bënçë.

”Një pjesëz e vogël e trashëgimisë sonë kulturore, totalisht e pa njohur dhe e harruar fare na bënë të mendojmë se kjo krahinë dhe në veçanti Bënça, duhet të ketë pasur shumë vlera derisa në arkivin e National Geographic në Uashington është fotoja e Babait plak të Teqesë së Bënçës i rrethuar nga ndjekësit e tij”, thotë ai.

Pozicioni gjeografik i fshatit është në jug të qytetit të Tepelenës, gjashtë km larg tij në luginën e lumit të Bënçës. Emri i fshatit Bënçë vjen nga banoret ilirë që me themelimin e tij. Karakteristikë e këtij fshati është lumi me të njëjtin emër.

Në luginën e Bënçës kanë jetuar disa fise Ilire që kanë lënë gjurmët e tyre në disa shpella në rrjedhën e lumit. Disa shpella mbajnë akoma disa emra fisesh Ilire, si: shpella e Bishqemit, shpella e Bathesit, shpella e Bukshit, shpella e Toles dhe gryka e Dilanit. Këto fise themeluan fshatin me emrin Bënça .

Lugina e Bënçës është mjaftë pjellore në produktet bujqësore dhe në vreshtari. Në këto toka është ngritur dhe Ujësjellësi i Bënçës investuar nga Ali Pashë Tepelena. /ATA/