Tom Cruise është fotografuar në shoqërinë e djalit të tij, Connor dhe dukej shumë i disponuar gjatë shoqërimit me të në Londër.
Aktori hollivudian ka qëndruar në kryeqytetin britanik qëkur ka nisur xhirimet e "Top Gun: Maverick", ndërsa me djalin e tij kishin fluturuar me helikopterin privat të 57-vjeçarit.
Dhe derisa shkonte drejt helikopterit, fotoreporterët kanë arritur ta fotografojnë, ndërsa Cruise dukej shumë i disponuar dhe i përshëndeti të gjithë.
(Foto: J.A. / BACKGRID)
Tom ka mësuar ta drejtojë helikopterin që nga roli i tij në filmin e vitit të kaluar, "Mission: Impossible – Fallout", ndërsa nuk ka bërë manovra të rrezikshme në praninë e djalit të tij 24 vjeçar.
Cruise e adoptoi Connoroin dhe vajzën e tij, Isabella, në vitet e nëntëdhjeta kur ishte i martuar me aktoren Nicole Kidman. /Telegrafi/
Nicole Kidman dhe Tom Cruise me fëmijët e adoptuar në vitin 1996 (Foto: Patrick Riviere/Getty images/Guliver)
