Një burrë është shpëtuar nga një varkë pjesërisht e zhytur në ujë në Oqeanin Atlantik – pas 35 orësh në det

Një burrë është shpëtuar nga një varkë pjesërisht e zhytur në ujë në Oqeanin Atlantik, rreth 20 kilometra larg brigjeve të Floridës.

Varkëtari, 25-vjeçari Charles Gregory, ishte zhdukur në det për rreth 35 orë në oqean pasi kishte shkuar në një udhëtim peshkimi herët në mëngjes, tha babai i tij për CNN, përcjell Telegrafi.

Dhe familja e tij kontaktoi zyrtarët pasi ai nuk arriti të kthehej në një platformë varke në St Augustine, Florida.

Roja Bregdetare e SHBA-së ka thënë se ata përfundimisht e shpëtuan atë pasi një ekuipazh kërkimi në një aeroplan që fluturonte lart e pa atë në varkën e tij – një lloj varke peshkimi të vogël me fund të sheshtë.

Babai i tij Raymond Gregory i tha CNN se një valë kishte përmbysur varkën e djalit të tij dhe ai filloi të largohej nga bregu.

Ai tregoi se Charles kishte humbur jelekun e shpëtimit dhe celularin dhe kishte parë peshkaqenë dhe ishte pickuar nga kandil deti.

“Ai ishte i tmerruar. Ai tha se ka pasur ‘më shumë biseda me Zotin’ në ato 30 orë sesa ka pasur gjatë gjithë jetës së tij”. /Telegrafi/