Një person pa shenja jete është dërguar në emergjencën e qytetit të Suharekës.
Zëdhënësi i Policisë së Kosovës për rajonin e Prizrenit, Shaqir Bytyqi, ka thënë për Telegrafin se viktima është një 56-vjeçar.
"Më datë 17.08.2024 pas orës 01:05 në emergjencën e qytetit të Suharekës është dërguar një person mashkull, 56 vjeç. Nga mjekët e emergjencës është konstatuar se viktima nuk ka shenja jete", tha ai.
Bytyqi shtoi se policia ka dalë në vendngjarje dhe me urdhër të prokurorit është hapur rast "Hetim i vdekjes", ndërsa trupi i pa jetë është dërguar në Institutin e Mjekësisë Ligjore në Prishtinë. /Telegrafi/
