Ngushtimi i lukthit për trajtimin e obezitetit, flet kirurgu Krasniqi: Largohet 80 për qind e lukthit, pas operacionit duhen kontrolle të vazhdueshme

Kirurgu Shkodran Krasniqi në podcastin “Shëndeti në rend të parë” ka folur lidhur me kirurgjinë bariatrike për trajtimin e obezitetit.

Krasniqi lidhur me këtë tha se ngushtimi i lukthit është operacioni më i përhapur për trajtimin e obezitietit, te sëmundjet metabolike dhe bariatrike.

“Është më i përhapur pasi është operacioni është më i thjeshti. Lukthit është si një zorrë e zgjeruar dhe me këtë operacion hiqet diku rreth 80 për qind e lukthit dhe pjesa që mbetet është sa një madhësi e bananes.

Këta pacientë nuk mundem më detyrimisht me konsumu sasi të madhe të ushqimit, por ka edhe efekt hormonal sepse në pjesën e larguar të lukthit janë disa receptorë që prodhojnë një hormon të caktuar që quhet gerlinë dhe ky hormon shkakton ndjenjën e urisë dhe me largimin e pjesës më të madhe të lukthit largohet ky hormon dhe pacientët nuk e kanë ndjenjën e urisë qysh e kanë pas përpara”, tha ai.

Sipas tij, është shumë me rëndësi që pacientët pas operacionit të jenë në kontroll të vazhdueshme në klinikën ku janë operuar.

Ky podcast sponsorizohet nga Spitali i Përgjithshëm Rezonanca 2. /Telegrafi/