Ngannou pas triumfit ndaj Gane: E dija se do të ishte një kundërshtar i vështirë

Francis Ngannou realizoi një performancë brilante për të mposhtur Ciryl Gane në UFC 270 dhe për të mbrojtur titullin e tij të peshave të rënda UFC, teksa ky triumf e ka lumturuar pa masë.   

Luftëtari kamerunaso-francez mori fitoren e tij të gjashtë radhazi brenda tetëkëndëshit të famshëm pasi mposhti rivalin e tij, Gane, në ngjarjen kryesore të UFC 270.

“E dija se ai do të ishte një kundërshtar i vështirë, pa dyshim”, ka thënë fillimisht Ngannou pas ndeshjes.

Lexo po ashtu Francis Ngannou mposht Cyryl Gane dhe mbron titullin e peshave të rënda në UFC 270

“Isha i befasuar që ai e mbajti deri në fund të ndeshjes, por ai ishte shumë i mirë”.

“E vetmja gjë që duhej të bëja, që trajneri më kujtonte gjatë gjithë kohës, ishte të qëndroja i qetë. Besoni vetes, mos e ndiqni atë”.

Ngannou konfirmoi gjithashtu thashethemet për një dëmtim të gjurit para ndeshjes, ndërsa diskutonte për ndërtimin e luftës.

View this post on Instagram

A post shared by Telegrafi Sport (@telegrafisport)

“Unë lëndova gjurin tim, grisa MCL-në plotësisht dhe lëndova ACL-në”.

“Doja të tërhiqesha nga kjo luftë, por nuk mund ta shihja veten duke u tërhequr nga kjo luftë, sepse ishte një shans për të bërë një deklaratë dhe për t’i kujtuar të gjithëve se unë jam kampion”, përfundoi luftëtari kamerunas. /Telegrafi/