“Nga nënvlerësimi, jemi ndër favoritët për ta fituar evropianin”

Italia ka treguar dhëmbët duke e eliminuar kampionin aktual të Evropës, Spanjën pasi e mposhti me rezultat të pastër 2:0.

Kapiteni i ‘Azzurrëve’, Gianluiggi Buffon ka folur pas ndeshjes duke thënë se të gjithë e nënvlerësuan Italinë.

Ai ka bërë me dije se Italia e tij tani është ndër favoritët për ta fituar evropianin.

“Këtë garë po e përballojmë ashtu siç dimë më së miri. Natyrisht, ka pasur dhe do të ketë ekipe shumë të vështira në rrugën tonë. Jemi në çerekfinale, por ende nuk mund të them se ky është një Evropian i madh për Italinë”, tha Buffon.

“Nga shumë të nënvlerësuar tani jemi mes favoritëve për ta fituar Evropianin, gjë për të cilën jam krenar. Ne kemi bërë një paraqitje të mirë ndaj Spanjës, e cila na ishte kthyer në “mace të zezë””.

“Sinqerisht, pas pjesës së parë, 1:0 ishte rezultati më pak që kemi merituar. E dinim se loja mund të ndryshonte pas pushimit. Kjo u provua dhe tentua nga Spanja, por nuk e humbën asnjë moment toruan. Ne nuk u përqendruam vetëm në mbrojtje. Në fakt, kishim disa shanse për ta dyfishuar epërsinë tonë përpara golit të Pelle. Pas shumë vitesh humbjeje me Spanjën, e kemi kthyer situatën në favorin tonë”, përfundoi kapiteni italian. /Telegrafi/