Botë Nga Bota Amerika

Nga fitorja e Bidenit, te mospranimi i rezultateve nga Trump – gjithçka që ndodhi sot në SHBA

Para 4 vitesh

Joe Bideni fitoi në Pennsylvania dhe me këtë fitoi edhe 20 vota elektorale, që edhe i sollën fitoren dhe postin e presidentit të SHBA-ve në zgjedhjet presidenciale.

Tani Biden ka 284 vota elektorale, e 270 kishte nevojë që të shpallet fitues, transmeton Telegrafi.

Siç raporton AP, ku shumica e mediave botërore janë bazuar në të dhënat e tyre, Donald Trump ka pësuar humbje nga Joe Biden, i cili do të jetë presidenti i 46-të i Shteteve të Bashkuara.

BREAKING: Joe Biden wins Pennsylvania. #APracecall at 11:25 a.m. EST. #Election2020 https://t.co/lGfinjTqT4

— AP Politics (@AP_Politics) November 7, 2020

Biden kishte të paktën 30 mijë vota më shumë sesa Trumpi në Pennsylvania, shtet ky që konsiderohej kyç për fitoren e Demokratit.

“Amerikë, jam i nderuar që më keni zgjedhur të udhëheq vendin tonë të bukur. Rruga para nesh do të jetë e vështirë, por ju premtoj – do të jem president i të gjithë amerikanëve – edhe nëse nuk keni votuar për mua”, ka thënë Biden në kumtesën e lëshuar pas rezultateve në Pennsylvania.

https://twitter.com/JoeBiden/status/1325118992785223682?ref_src=twsrc%5Etfw%7Ctwcamp%5Etweetembed%7Ctwterm%5E1325118992785223682%7Ctwgr%5Eshare_3&ref_url=https%3A%2F%2Fwww.kurir.rs%2Fplaneta%2F3563377%2Fgotovo-je-bajden-osvojio-pensilvaniju-i-tako-osigurao-ulazak-u-belu-kucu-cekaju-se-obracanja-kandidata

“Tani kur fushata ka marrë fund, është koha që mllefin dhe retorikën e ashpër ta lëmë pas shpinës dhe të bashkohemi si një komb. Është koha që Amerika të bashkohet. Ne jemi Shtetet e Bashkuara të Amerikës dhe nuk ekziston asgjë që nuk mund ta bëjmë, nëse e bëjmë së bashku”, ka thënë ndër tjera Biden.

Shumë media amerikane e kanë shpallur Bidenin si presidentin e ardhshëm të Shteteve të Bashkuara. Kamala Harris kështu do të jetë femra e parë që ushtron detyrën e zëvendëspresidentes, dhe personi i parë me ngjyrë që mban këtë post në historinë e Shteteve të Bashkuara.

BREAKING: JOE BIDEN WINS

Joe Biden will be the 46th president of the United States, CNN projects, after a victory in Pennsylvania puts the Scranton-born Democrat over 270 https://t.co/g5ahxZ3Zcu #CNNElection pic.twitter.com/4bVHYENaaT

— CNN (@CNN) November 7, 2020

E urimet nuk munguan – liderët botëror i uruan fitoren siç ishte kryeministri kanadez Justin Treudau, duke i uruar gjitha të mirat Bidenit dhe Harrisit me të cilët shpreson të ketë një bashkëpunim të mirë.

Në anën tjetër, Trump në momentet kur Biden fitoi votat e mjaftueshme elektorale për t’u bërë president kishte udhëtuar drejt klubit të golfit në Sterling të Virginua, e pak momente më herë kishte shkruar në Twitter se “ka fituar zgjedhjet bindshëm”, ku Twitter menjëherë e ka etiketuar postimin e tij si një informacion të pasaktë.

Pictures capture Donald Trump at his golf course in Virginia, as Joe Biden projected to become the next US presidenthttps://t.co/fVQ13KG8wT pic.twitter.com/QiJ6f7se7m

— BBC News (World) (@BBCWorld) November 7, 2020

Pavarësisht se tani dihet fituesi, fletëvotimet do të vazhdojnë të numërohen në shumë shtete amerikane, por në këto momente nuk ekziston ndonjë mënyrë që Trump të mund të rikthehet në garë për të parin e Shtëpisë së Bardhë.

https://twitter.com/ChavezRavineLA/status/1325130887961350144?ref_src=twsrc%5Etfw%7Ctwcamp%5Etweetembed%7Ctwterm%5E1325130887961350144%7Ctwgr%5Eshare_3&ref_url=https%3A%2F%2Ftelegrafi.com%2Fpas-lojes-se-golfit-trump-kthehet-ne-shtepine-e-bardhe-e-gjithe-bota-pret-reagimin-e-tij-pas-humbjes%2F

“Beteja jonë ligjore do të fillojë për t’u siguruar se plotësisht do të respektohen ligjet zgjedhore dhe të shpallet fituesi legjitim”, ka thënë Trump. /Telegrafi/